ITS сауда көлемі бойынша рекорд орнатты – $107 млн
2025 жылғы 10 қазанда ITS халықаралық сауда алаңындағы сауда көлемі рекордтық деңгейге жетті – $107 млн. Бұл көрсеткіш нарықтағы құбылмалылықтың күшеюі мен инвесторлардың нарық қозғалысынан табыс табу және тәуекелдерді хеджирлеу ұмтылысының нәтижесі болды. Олардың ішінде теңгерімді биржалық қорларға (ETF) инвестиция да маңызды рөл атқарды.
Жұма күні ITS алаңында 1125 бағалы қағазбен 21 339 мәміле тіркелді, ал жалпы сауда көлемі қыркүйек айындағы айлық көрсеткіштің 10%-нан асып түсті. Инвесторлар арасында ең жоғары сұранысқа ие болған құралдар:
- Cipher Mining (CIFR) – америкалық компания, өз дата-орталықтарында “жасыл” энергия негізінде биткоин өндірумен айналысады.
- CleanSpark (CLSK) – америкалық майнинг компаниясы, энергия тиімділігі мен тұрақты дамуға басымдық береді.
- Bitwise Bitcoin ETF (BITX) – инвесторларға биткоинге тікелей криптовалюта сатып алмай-ақ инвестиция жасауға мүмкіндік беретін биржалық қор.
- Freedom Holding Corp. (FRHC) – Қазақстанда тамыры бар халықаралық қаржы тобы.
- Advanced Micro Devices (AMD) – процессорлар мен бейнечиптер өндіруші, Intel мен Nvidia компанияларының негізгі бәсекелесі.
- Tesla (TSLA) – америкалық электрокөлік және энергия сақтау жүйелерін өндіруші компания.
- Marathon Digital Holdings (MARA) – АҚШ-тағы ең ірі биткоин-майнинг компанияларының бірі.
- SPDR S&P 500 ETF Trust (SPY) – АҚШ-тың ірі компанияларының динамикасын көрсететін S&P 500 индексін бақылайтын ETF
- NVIDIA (NVDA) – графикалық процессорлар өндіру және жасанды интеллект технологияларын дамыту саласындағы әлемдік көшбасшы..
- Zeta Global (ZETA) – маркетинг пен деректерді талдауға арналған жасанды интеллект платформасын дамытып отырған америкалық компания.
Нарықтағы құбылмалылық кезеңдері ITS алаңындағы сауда белсенділігінің артуына ықпал етеді. 18 сағаттық сауда сессиясы барысында инвесторлар әлемдік жаңалықтарға жедел жауап беріп, best execution қағидасы мен smart order routing өтімділік технологиясының арқасында ең тиімді бағалармен және кез келген көлемде мәміле жасай алады.
2025 жылғы 10 қазанда құбылмалылықтың артуы АҚШ президенті Дональд Трамптың Қытайдан келетін импортқа қосымша 100%-дық баж салығын енгізу ниеті туралы БАҚ-тағы хабарламалармен байланысты болды.
ITS инвестициялық құралдар жиынтығы 3000-нан астам халықаралық бағалы қағаздан тұрады, оның ішінде 304 ETF бар. Бұл құралдар әлемдік экономиканың негізгі салаларын қамтитын Dow Jones Industrial Average, Nasdaq-100 және S&P 500 сияқты ірі әлемдік индекстерге кіреді.
ITS алаңындағы сауда көлемінің өсу үрдісі инвесторлар санының және сауда құралдарының артуымен де түсіндіріледі.
ITS туралы ақпарат
ITS – халықаралық өтімділік хабы. ITS бизнес моделінің негізінде жатқан best execution қағидасы мен smart order routing өтімділікті қамтамасыз ету технологиясы инвесторларға жаһандық қаржы нарығындағы ең жақсы бағамен және кез келген көлемде бағалы қағаздармен мәмілелер жасауға мүмкіндік береді. Осы технологияның арқасында ITS алаңындағы шетелдік бағалы қағаздар бойынша өтімділік осы бағалы қағаздар саудаланатын жетекші халықаралық алаңдардағымен бірдей.
ITS Central Securities Depository Limited – ITS-тің орталық депозитарийі – бағалы қағаздарды сақтау және есеп айырысу бойынша депозитарлық қызметтер көрсетеді. Депозитарий АҚШ-тың салық қызметі тарапынан ұстап қалуға негізгі жауапкершілігі бар білікті делдал (Qualified Intermediary with primary withholding responsibility, WQI) мәртебесін алған.
Central Counterparty – ITS-тің орталық контрагенті – клирингке қатысушылардың барлық міндеттемелері бойынша тарап болып табылады және ITS сауда алаңында жасалған мәмілелер бойынша клирингті жүзеге асырады.
ITS алаңы ITS World (ITSW) және ITS Shariah (ITSS) өз индекстерін есептейді.
ITS алаңының тікелей клиенттері Қазақстан мен басқа елдердің бағалы қағаздар нарығына кәсіби қатысушылары – АХҚО-да аккредиттелген, сол сияқты тікелей тіркелген қаржылық делдалдар болып табылады. Инвесторлар – жеке және заңды тұлғалар сауда-саттыққа қаржы делдалдары – брокерлер мен банктер арқылы шығады.